O ENCÉFALO

O luns cando chegamos á clase, atopamos no castelo, un paquetiño cunha nota.
Quixemos abrilo moi rápido, así que lle pedimos á mestra que lera a nota para poder abrilo axiña.
Explicóunos que aínda que lle chamamos cerebro a todo, realmente chámase encéfalo e que ten tres partes: cerebro, cerebelo e bulbo raquídeo.
E díxonos que o cerebelo intervén no equilibrio e na coordinación de movementos. Así que estivemos facendo equilibrio e movementos coma se fosemos uns verdadeiros equilibristas.
Despois abrimos o agasallo e comprobamos que era "un xogo para exercitar o equilibrio" e enseguida quixemos xogar.